DUMALAG, CAPIZ – Arestado ang lima ka mga persona matapos ginserbihan sang warrant of arrest sang mga kapulisan sa Barangay Poblacion, Dumalag, Capiz.
Ginkilala ang mga arestado nga sanday Edwin Dapat 49-anyos sang Barangay Sublangon, Pontevedra; Gemmarie Daquilanea 48-anyos sang Barangay Gibato, Dumarao; Gerald Duya 44-anyos, Carlito Duya Sr., 71-anyos kag Carlito Duya Jr., 37-anyos lunsay mga residente sang Barangay Mahunod-hunod, Cuartero, Capiz.
Kaso nga robbery ang ginapangatubang sang mga akusado sa diin ang nasambit nga warrant of arrest gin-isyu kag ginpirmahan ni Hon. Nelson J. Bartolome sang RTC Branch 16, Roxas City nga napetsahan sadtong Nobyembre 29, 2019.
Ginrekomendar naman sang korte ang P20,000 nga piyansa sa kada arestado para sa temporaryo nila nga kahilwayan.
Sa karon, yara nasa kustodiya sang Dumalag PNP ang nasambit nga mga suspek.
