Ginasapinal na sang Department of Health (DOH) ang procurement ukon pagbakal sang mga flu vaccines ukon bakuna batok sa trangkaso.
Base sa statement nga ginpaguha sang DOH, posible nga sa pagsulod sang Agusto madeliver na ang mga nasambit nga bakuna.
Mahibaluan nga yara sa kabug-usan 5-M nga dose ang pagabaklon sang health department kag ginalauman nga pagagamiton sang mga senior citizen.
Sa tion nga mapaguha na ang mga bakuna, mahimo na ini nga ipanagtag sa mga katigulangan agud mahatagan sang proteksyon ang mga ini batuk sa influenza.
Ang vaccination program para sa katigulangan, magapdayon tubtob sa katapusan nga bahin saubing nga tuig.
Matandaan una nga ginpahanumdum ni infectious disease expert Dr. Rontgene Solante ang posibilidad nga pagtaas sang kaso sang influenza sumugod subong nga bulan rason nga kinahanglan na nga padasigon ang pagbakal sang ma flu vaccine para sa mga senior.
Ang temprano nga pagbakuna sa mg senior, mangin giya agud maprotektahan ang mga senior batuk sa nasambit nga sakit nga masami nagataas sumugod sa bulan sang Agusto tubtob sa Disyembre.
