5 minero, patay matapos maglupok ang minahan sa Spain

Patay ang lima kag pilason naman ang duha pa matapos ang paglupok sang isa ka minahan sa northern Spain.

Natabo ang paglupok sa Cerredo mine sa Degaña, Asturias, 450 kilometros north-west sang Madrid.

Base sa inisyal nga imbestigasyon sang mga otoridad, problema sa makina ang gintunaan sang paglupok.

Madasig naman nga gindala sa ospital ang duha ka pilason samtang padayon ang pagpangita sa mga ginreport nga missing miners sa lugar.

Bangod sang hitabo, ang Presidente sang Asturias, si Adrián Barbón, nagdeklarar sang duha ka adlaw nga pagpakig-unong.