Indi magnubo sa lima ka indibidwal ang napatay samtang yara sa 20 indibidwal naman ang pilason bangud sa epekto sang duha ka weather system sa pungsod.
Nagadala ini sang mga pag-ulan ang Intertropical Convergence Zone kag Shear Line sa pila ka bahin sang Pilipinas nga nagatuga naman sang mga pagbaha kag pagtiphag sang duta.
Base sa datos sang ahensya, ang mga napatay ang nagikan sa Regions II, IV-A, IV-B, V, VIII, kag XI.
Sa kabug-usan, umabot naman sa 436,164 indibidwal ukon kabaylo sang 139,000 nga mga pamilya ang apektado sang nasambit nga mga weather system.
Gikan sa nasambit nga numero, umabot sa 549 pamilya kabaylo sang 2,366 indibidwal ang nagatinir sa karon sa mga gintalana nga 29 ka mga evacuation centers sa nasambit nga mga rehiyon nga apektado.
Nagdala man ang duha ka lain sang panyempo sang pagkasamad sa pila ka infrastructure kag power interruption.
Indi man maagyan ang yara sa 39 karsada, 6 ka tulay bangud sa mga pagbaha kag landslide.
Ginabanta naman nga aabot sa P215.7 million ang kabug-usan nga kahalitan sini samtang 698 houses naman ang partially damaged kag 394 nga balay ang totally damaged.
Ginsiguro naman sang ahensya nga nakahanda sila nga magbulig anuman nga oras kun kinahanglan.
