ROXAS CITY – Pilason ang lima ka mga persona matapos nga aksidente nga nagbungguanay ang duha ka motorsiklo sa Barangay Dolores, Dumalag, Capiz.
Ginkilala ang biktima nga sanday Alexandra Ace Abendan 24-anyos, driver sang motorsiklo kag mga backrider sini nga sanday Maria Cielito Corazon Abendan 23-anyos kag Heliana Hance Abendan 30-anyos, nga lunsay mga residente sang amo nga lugar.
Base sa inisyal nga imbestigasyon sang Dumalag PNP nga samtang ginasubay sang tatlo ang amo nga dalanon sang magaliko na kuntani hinali na lamang nga ginbungguan sang motorsiklo ni Allan Flamiano 50-anyos.
Nag-angkon naman sang mga kasamaran sa lawas ang mga biktima subongman si Flamiano kag backrider nga 51-anyos nga babayi.
Gindala ang mag-utod nga Abendan sa Tapaz District Hospital samtang si Flamiano kag angkas sini gindala naman sa Dao District Hospital para sa nagakaigo nga pagbulong.
