Pilason nga ginpadangat sa ospital ang lima ka mga persona matapos nagkarambola ang duha ka mga motorsiklo kag isa ka angkar angkar nga tricycle sa Barangay Tamulalud, Dumarao, Capiz.
Lunsay nag-angkon sang kapilasan sa lawas sanday Juvy Libre 29-anyos sang Barangay Bungsuan, Dumarao – driver sang Rusi nga motorsiklo, Ronald Basco 30-anyos, empleyado sang gobyerno kag residente man sang amo nga barangay driver sang Bajaj nga motorsiklo, kag Christy Ann Fernandez 21-anyos sang Barangay Sagrada Familia, Dumarao driver sang angkar angkar nga tricycle kalakip ang mga kaupdanan nga sanday Hazel Fernandez 40-anyos kag Jonas Ocampo 25-anyos sang Barangay Dacuton, Dumarao.
Sandig sa imbestigasyon sang Dumarao PNP nga ginasubay nanday Libre kag Basco ang dalanon padulong sa banwa sang Dumarao sang nadulaan sang kontrol ang ginamaneho nga angkar angkar nga tricycle ni Christy Ann Fernandez kag aksidente nga nabungguan ang duha ka mga motorsiklo. Gilayon nga gindala sa Senator Gerardo Roxas Memorial District Hospital sa banwa sang Dao sanday Libre kag Basco samtang gindala naman sa medicare sa banwa sang Dumarao ang tatlo ka sakay sang angkar angkar nga tricycle
