ROXAS CITY – Ginapahalong sa karon angmga Pilipino sa Thailand matapos ginkumpirma sang Thai government ang ikalima nga kaso sang bag-o nga coronavirus sa pungsod.
Sa exclusive interview sang Bombo Radyo Roxas kay Bombo International Correspondent Cleo Rose Jondonero, isa ka manunudlo sa nasambit nga pungsod, ginpahayag sini nga ginpanugyanan sila nga maggamit sang mask kun magguha sa balay bilang precautionary measures, labi na nga mataas ang air index quality sa pungsod.
Nahibaluan nga isa ka 33-anyos nga babaye nga Thai ang nagbakasyon sa Wuhan, China kag nalatnan sang virus sa iya pagpauli sa Thailand.
Sa maayo nga palad amat amat na nga nagaayo ang kondisyon sang pasyente nga naka-quarantine sa karon sa Rajavithni Hospital sa Bangkok.
Nahibaluan nga paborito nga destinasyon sang mga Thai tagsa ka holiday ukon bakasyon ang pungsod China.
