5 tripulante dakop nga nagapatigayon sang ilegal nga pagpangisda sa Ivisan

IVISAN, CAPIZ – Yara na sa kustodiya sang Municipal Environment and Natural Resources Office (MENRO) sa banwa sang Ivisan ang isa ka motorbanca kag mga fishing paraphernalia nga nakuha sa mga tripulante nga nagapatigayon sang ilegal nga pagpangisda sa nasambit nga banwa.

Ang nadakpan nga mga tripulante amo sanday Jose Palma, Lito Almojalad, Rudy Dela Cruz, Antonio Barles kag Jonathan Ibañez, lunsay mga residente sang Barangay Culasi, Roxas City.

Magabayad sang nagakaigo nga penalidad ang nasambit nga mga tripulante bangud sa paglapas sa Municipal Ordinance 3-2012 ukon Municipal Fisheries Code.