ROXAS CITY – Patay ang 50-anyos nga babayi, matapos nga nakuryente sa Sitio Ilaya, Barangay Cabugao, Roxas City.
Ginkilala ang biktima kay Andrea Eribal kag residente sang nasambit nga lugar.
Sa impormasyon nga nakuha sang Bombo Radyo sa Roxas City Police Station, samtang nagamaneho si Arnel Marcelino sakay sang iya tricycle sang nakit-an sini niya si Eribal kilid sang dalan kag wala na sang kabuhi.
Ginapatihan nga bangud sa may leakage nga barbwire nga nagakonekta sa
street light sang barangay rason nga nakuryente ini kag gintunaan sang iya gulpi nga kamatayon.
Bangud sni, gilayon nga ginpadangat sa Capiz Doctor’s Hospital si Eribal apang gindeklarar ini nga dead on arrival sang doktor.
Ulihi nga nakit-an ang nasambit nga biktima alas 5:30 sang aga kahapon Hunyo 7 sa ila man anay nga puluy-an.
Samtang, nagapati naman ang pamilya sang biktima nga wala sang foul play sa kamatayon sang ila himata.
Sa karun yara na sa isa ka punerarya sa Barangay Dayhagon, Sigma Capiz ang bangkay ni Eribal .
