DUMARAO, CAPIZ – Patay ang 50-anyos nga lalaki matapos ginbuno sa Poblacion Ilaya, Dumarao, Capiz.
Ginkilala ang biktima nga si Kenneth Barcelona sang Barangay Lawaan, Dumarao, Capiz samtang ang suspek nga nakahunong na sa karsel amo si Cloyd Hamot residente sang Barangay Janguslob, Dumarao.
Sandig sa imbestigasyon sang kapulisan nga magkaupod nga nag-inum ang biktima kag suspek apang nakaangkon sila sang mainit nga diskusyon nga nagtulod kay Hamot para bun-on si Barcelona gamit ang kutsilyo.
Gindala pa sa ospital ang biktima, apang gindeklara ini nga dead on arrival sang doktor.
Samtang nagtuyo pa nga magpalagyo ang suspek matapos ang krimen, apang nadisgrasya sa cyclone wire ang ginamaneho nga motorsiklo rason nga nagpangayo sang bulig sa mga barangay tanod.
Nagpangayo man sang responde sa mga pulis ang mga tanod sa diin sang yara na sila sa istasyon sang pulisya, may witness nga nakakilala sa suspek rason nga gin-impormar sini ang mga otoridad nga nag-akto sa insedente.
