ROXAS CITY – Patay ang 50-anyos nga lalaki, matapos ginapahayag nga mabungguan ini sang motorsiklo sa Barangay Lonoy, Roxas City takna alas 2:45 sang hapon Hulyo 1.
Ginkilala ang biktima kay Edgar Catimbang samtang ang ginatudlo suspek amu si Reynan Buday 35-anyos kag backrider sini nga si Selvino Geronimo 24-anyos lunsay residente sang Mianay, Sigma Capiz.
Sa inisyal nga imbestigasyon nagikan sa Roxas Component City Police Station, ginapahayag nga nagikan ang biktima sa puluy-an sang iya amay matapos nga nag-obra ini sang tulda sa may bahin sang Lonoy apang sang magatabok na kun tani ini sa highway sang Ivisan agud magabantay sang salakyan, apang aksidente ini nga nabungguan sang motorsiklo nga ginamaneho sang nasambit nga mga suspetsado.
Bangud sini, nag-angkon sang patal nga pilas si Catimbang.
Gilayon man ini nga ginpadangat sa pribado nga ospital ang amu nga biktima agud dapatan sang nagakaigo nga pagbulong.
