DAO, CAPIZ – Pilason ang 50-anyos nga mister matapos nga natiruhan sa Sitio Pulong, Barangay Nasunogan, Dao, Capiz, .
Ang biktima amo si alyas Dan, 50-anyos nga residente sa amu nga lugar.
Sa interview sang Bombo Radyo kay PCAPT Rian Ampoyos, Officer-In-Charge sang Dao Municipal Police Station, ginpahayag nga samtang nagaluto ang biktima sa ila kusina, nakabati ini sang lupok sa wala matumod nga direksyon kag ginkakibot na lamang sini nga may ara na siya sang igo sa tiyan kag butkon halin sa wala man matumod nga armas-luthang.
Gilayon man nga ginrespondehan sang Dao Response Team ang lugar kag gindala ang biktima sa pinakamalapit nga ospital.
Samtang, madasig naman nga nakapalagyo ang suspek matapos makumiter ang krimen.
Sa karon, padayon ang hot pursuit operation kag imbestigasyon sang kapulisan angut sa nasambit nga insidente.
– With a report from Bombo Jessa Delos Santos
