ROXAS CITY – Nangin alagyan ang pagkaubos sang face mask para magpatahi na lamang ang alkalde sang banwa sang Pontevedra sang 50 mil ka improvised face mask nga ipanagtag sang libre sa ila mga constituents.
Suno kay Mayor Esteban Evan Contreras, ini ang napinsaran nga pamaagi agud madula ang kahadluk kag pagkabalaka sang mga contituents matapos nag-out of stock na ang face mask sa tanan nga mga drugstores sa Roxas City kag probinsiya sang Capiz.
Nahibaluan nga pagabaklon sang LGU-Pontevedra ang improvised face mask sa balor nga P5 ang isa .
Samtang gindula sang opisyal ang pagkabalaka sang iya nasakupan kag ginpanugyanan nga indi magpanic sa baylo sundon ang panugyan sang gobyerno nga pabaskugon ang immune system, magkaon sang nutritious food, mag-inom sang madamo nga tubig, personal hygiene kag likawan ang crowded places.
