-- ADVERTISEMENT --
ROXAS CITY – Ginpangguba sang mga katapo sang Jamindan Municipal Police Station kag sa bulig sang Jamindan Transportation and Traffic Office (JATTRO) ang 50 nga nakumpiskar nga open muffler humalin sa 4th quarter sang 2022 tubtob Enero.
Pinaagi sa implementasyon sang Municipal Ordinance No. 2021-09, kun sa diin ginadumilian ang paggamit sang modified/open muffler.
Ini ang ginkumpirmar ni Police Executive Master Sergeant Maria Elen Fe Tayopon, Information Officer sang Jamindan PNP sang mainterview sang Bombo Radyo.
Suno diri, tililingub nga ginpalapak sa pison ang nakumpiskar nga tambutso agud indi na magamit sang pumuluyo nga nagatuga sang gamo sa kagab-ihon kag nagatublag sa pagpahuway sang mga residente.
