Ginreport sang Iran Police Chief nga si Ahmadreza Radan nga gindakop nila ang 500 ka mga indibidwal bangud sa ginapahayag paghatag sang impormasyon sa Israel samtang nagapadayon ang inaway sa rehiyon.
Suno kay Radan, katunga sa sini nga mga kaso ang may kaangtanan sa malala nga mga insidente, pareho sang mga tawo nga nagahatag sang mga lokasyon para sa posible nga mga target, pagkuha sang footage sang mga air strike sites kag pagpadala sini sa iban.
Wala naman gintumod ni Radan kun san-o gid natabo ang mga pag-aresto.
Ginkumpirma naman sang pila ka mga media agency nga 20 ka tawo ang nadakpan bangud sa ginaalegar pagpadala sang impormasyon sa Israel angut sa military kag security assets sang Iran.
Ginpahayag naman sang Revolutionary Guards intelligence, nga ginagamit sang Israel kag U.S. ang “mercenaries kag spies” agud magtuga sang kinagamo samtang nagapadayon ang inaway sa rehiyon.
