MANILA, Philippines – Ginhalin sang Bureau of Corrections (BuCor) ang 500 ka persons deprived of liberty (PDLs) gikan sa New Bilibid Prison pakadto sa Iwahig Prison and Penal Farm sa Puerto Princesa, Palawan.
Ang paghalin ginhimo sang Marso 27 agud mapahagan-hagan ang kadamuon sang preso sa Bilibid.
Suno kay BuCor Director Gregorio Pio Catapang Jr., ang bag-o nga dormitoryo makasarang mag-akomodar tubtob 1,000 ka PDLs.
Dugang oa niya ang nahalin nga priso kilala sa iya open-air setup nga nagahatag kahigayunan sa mga minimum-security inmates nga mag-engage sa farming, fishing kag handicrafts bilang rehabilitasyon.
Nahibaluan ang pagplano sang gobyerno nga magbalhin sang 7,500 pa ka preso sa nagkalain-lain nga penal facilities agud masolbar ang problema sa congestion.
