ROXAS CITY – Nagpabalhag sang reklamo ang isa ka 51-anyos nga lalaki matapos nga ginaalegar nga ginpulihan kastigo sa old public market sa Barangay Poblacion, Pres. Roxas Capiz.
Ginkilala ang biktima nga si Ricky Buaron sang nasambit nga lugar.
Base sa inisyal nga imbestigasyon sang Pres. Roxas City Police Station nga samtang naga-inom sang makahulubog nga ilimnon si alyas Ricric kaupod ang iya mga barkada sang ginaalegar nga nag-agi ang tagreklamo kag ginpabati-batian ini sang mga malain nga tinaga.
Makaligad ang pila ka minutos nagguwa man gilayon sa ila balay si Richard Buaron 53-anyos kag ginaalegar nga ginkastigo ang nasambit nga tagreklamo.
Bangud diri, nag-angkon sang mga pilas sa lawas si Ricky rason nga ginpakamaayo na lamang sini nga ipabalhag sa pulisya ang natabo.
