51 ka mga pamilya apektado sang pagbaha kag pagkatiphag sang duta sa banwa sang ivisan; lgu’s nagpanagtag na sang relief goods sa mga apektado

ROXAS CITY – Apektado ang 51 ka mga pamilya matapos ang gulpi nga pagtaas sang lebel sang tubig kag pagkatiphag sang duta tuga sang mamunog nga pag-ulan sa pila ka mga barangayan sang banwa sang Ivisan.

Ini ang ginkumpirmar ni Mayor Felipe “Ipe” Yap sang mainterview sang Bombo Radyo.

Suno diri, wala ginalauman ang pagdasig nga pagtaas sang tubig ilabi na ang pagkatiphag sang duta sa Sitio Agtinapay Barangay Poblacion kag tuman nga naapektuhan bangud 1 ang totally kag 3 ang partially nahulog sa nagtiphag nga duta sang Hunyo 10.

Maluwas sa Sitio Agtinapay, 30 ka mga pamilya ang apektado sa Barangay Malocloc Norte samtang 17 naman ang sa Barangay Ondoy.

Pahayag sang alkalde nga gilayon nga nagpadulong ang LGU kag MDRRMO agud mahatagan sang kinahanglanon ang mga apektado kaangay sang relief goods kag masiguro ang kahilwayan.

Ginapromisa man sang alkalde nga pagatutukan ang amu nga hitabo agud malikawan ang kaangay nga insidente.