Arestado ang isa ka babaye matapos nagpatigayon sang iligal nga pasugal sa Purok 2, Brgy. Libas, Roxas City.
Ginkilala ang nadakpan kay alyas Tintin, 52-anyos nga residente sang nasambit nga lugar.
Sa impormasyon nga nagikan sa Roxas City Police Station, samtang nagapatigayon sang anti-illegal gambling operation ang mga katapo sang kapulisan nadakpan nga nagapataya sang iligal nga pasugal nga ginatawag “Pick 2” ang amo nga persona.
Narekober sa nadakpan ang P570 nga balor sang kwarta sa nagkalain-lain nga denominasyon kag iban pa nga mga gambling paraphernalia.
Magapangatubang sang kaso nga paglapas sa Presidential Decree 1602 nga gin-amyendahan sang RA 9287 ukon ‘Anti-Illegal Gambling Law’ ang nasambit nga persona.
Sa karon yara na sa kustodiya sang Roxas City Police Station ang nasambit nga arestado para sa nagakaigo nga disposisyon.
