52-anyos nga lalaki patay matapos nga naghikog sa banwa sang Pilar

ROXAS CITY – Patay ang 52-anyos nga lalaki matapos naghikog sa isa ka payag sa Barangay Casanayan, Pilar, Capiz.

Base sa inisyal nga imbestigasyon sang Pilar PNP nga nasapwan na lamang sang iya nga bata ang biktima nga nagahapa sa sulod sang payag kag may nakita nga nylon cord.

Sa pagpangusisa sang mga kapulisan sa himata sang biktima nga posible na depress ini sumugod sang napatay ang asawa sini lima na katuig ang nakaligad.

Bangud diri nagapati ang pamilya sang biktima nga wala sang foul play ang kamatayon sang ila himata.