52 anyos nga mister, dead on arrival sang ginpadangat sa ospital matapos wala na sang alinto nga nakit-an sang iya bata nga nagahigda na sa duta sa banwa sang Jamindan

ROXAS CITY- Dead on arrival ang 52-anyos nga mister sang ini ang ginpadangat sa ospital matapos masapwan sang iya bata nga nagahigda na sa duta sa Barangay Jaena Norte, Jamindan, Capiz.

Ginkilala ang napatay kay alyas Ramon kag residente sang nasambit nga barangay.

Sa inisyal nga imbestigasyon sang Jamindan PNP, nasapwan ang biktima nga nagahigda na sa mabasa nga bahin sang wala pa matapos nga poste sang balay sang iya bata nga wala na sang alinto.

Gilayon man ini nga ginpadangat sa ospital apang gindeklarar ini nga dead on arrival sang doktor.

Sa karon nagapadayon pa ang imbestigasyon sang mga kapulisan angut sa insidente.