Pormal na nga gin-proklamar sang Commission on Elections (Comelec), nga nagatindog para sa National Board of Canvassers (NBOC), ang yara sa 52 partylist winners sa bag-o lang nagtakop nga May 12 midterm polls, nga maga-okupar sang 69 ka mga pulungkuan sa Kongreso.
Lakip sa mga ginproklamar amo ang duha sa mga nagapanguna nga party-list groups nga nakakuha sang tag-tatlo ka pwesto, lakip ang Akbayan nga nakakuha sang 2,779,621 ka boto (6.63%) kag ang Tingog partylist nga may 1,822,708 ka boto (4.34%).
Apisar nakakuha man ini sang tatlo ka pwesto, wala pa maproklamar ang Duterte Youth nga may 2,338,564 ka boto (5.57%) matapos ginsuspender sang poll body ang ila proklamasyon bangud sa pending nga kaso sang disqualification.
Samtang, tatlo man ka partylist groups ang ginproklamar nga nagkuha sang tig-duha ka pulungkuan nga ginalakipan sang 4PS (3.50% /1,469,571 votes), ACT-CIS (2.96%/ 1,239,930 votes) kag AKO BICOL (2.56%/ 1,073,119 votes).
Mga 47 ka mga partylists ang nakakuha man sang isa ka pulungkuan.
Ini ang ginalakipan sang Uswag Ilonggo; Solid North Partylist; Trabaho; Cibac; Malasakit@Bayanihan; Senior Citizens; PPP; ML; FPJ Panday Bayanihan; United Senior Citizens; 4K; LPGMA; COOP-NATCCO; Ako Bisaya; CWS; Pinoy Workers; AGAP; Asenso Pinoy; Agimat; TGP; SAGIP; ALONA; 1-Rider Partylist; Kamanggagawa; GP; Kamalayan; Bicol Saro; Kusug Tausug; ACT Teachers; One Coop; KM Ngayon Na; Abamin; TUCP; Kabataan; APEC; Magbubukid; 1Tahanan; Ako Ilocano Ako; Manila Teachers; Nanay; Kapuso PM; SSS-GSIS Pensyonado; DUMPER PTDA; Abang Lingkod; Pusong Pinoy; Swerte kag Philreca.
Apisar nga nakakuha man ini sang pwesto, wala pa maproklamar ang New Generation (BH) bangud sa pending nga kaso sang disqualification.
Ang proklamasyon ginhiwat kahapon nga adlaw sa The Tent, Manila Hotel.
