53-anyos nga ginang arestado sa ginkasa nga drug buybust operation

ROXAS CITY – Arestado ang isa ka ginang sa ginkasa nga drug buybust operation sang gintingub nga pwersa sang mga katapo sang Pres. Roxas PNP kag Provincial Drug Enforcement Unit (PDEU) sa Boac Cemetery, Barangay Cabug-Cabug, Pres. Roxas, Capiz.

Ginkilala ang naaresto kay Oliva Dorado, 53-anyos sang Barangay Enseñegan, Panitan, Capiz.

Narekober sa drug suspect ang isa anom tanan ka ginapatihan nga plastic sachet sang shabu nga nagabug-at sang 8 grams kag may market value nga P54,400, P500 nga buybust money, P5,500 nga boodle money kag isa ka unit sang cellphone.

Magapangatubang naman ang suspek sang panumbungon nga paglapas sa RA 9165 ukon Comprehensive Dangerous Drugs Act of 2002.