Magapakigbahin sa nagapadayon nga hearing sa International Criminal Court (ICC) batok kay former President Rodrigo Duterte ang 539 ka mga himata sang mga gina-alegar biktima sang extrajudicial killings ukon EJK sa idalum sang iya administrasyon.
Base sa trial brief nga ginpasa sang ila common legal representative sang Oktubre 13, katuyuan sang ila partisipasyon nga ipakita ang epekto sang kamatayon sang ila mga himata sa ila emotional state, palangabuhian kag edukasyon.
Sa nasambit nga numero, 143 ukon 27% ang mga kabataan nga naka-eksperyensya sang epekto sang kampanya batok sa iligal nga droga, samtang 89 ukon 17% ang toddlers pa lang sadto nga tion.
Suno sa report, 57 ka mga kabataan ang indi makapadayon sa pagtuon sa sulod sang halos isa ka tuig pagkatapos sang kamatayon sang ila himata, samtang halos 190 sa mga napatay ukon ginaalegar gintuyo nga patyon.
Ginbuyagyag man sang dokumento nga ang tanan nga 539 ka mga partisipante nakaeksperyensya sang emotional and psychological distress, anxiety, anger, fear, and hopelessness, nga nagalaragway sang epekto sang mga insidente sa mga pamilya nga namatyan.
