ROXAS CITY – Gintiro sang wala pa matumod nga mga suspetsado ang isa ka 54 anyos nga lalaki sa Barangay Bolo, Roxas City.
Ginkilala ang biktima nga si Junifer Borda, isa ka retired army kag nagatrabaho karon bilang isa ka head security kag officer-in-charge sang isa ka security agency.
Suno kay Jeron, nakasaksi sa nasambit nga insidente, nakibot na lamang ini sang nakabati sila sang kapin apat ka mga lupok sang armas-luthang.
Diri kag iya nakita ang duha ka mga suspek nga sakay sa motorsiklo nga nagpalapit sa biktima kag kasubong may ginkuha sa bag sini matapos ini ang ila gintiro gamit ang wala pa matumod nga armas-luthang.
Suno naman sa tiayon sang biktima, wala ini sang ideya kun sin-o ang posible nagtiro sa iya bana bangud wala man ini sang kontra kag isa ini ka maayo nga tawo.
Ginpahayag sini nga padulong kuntani ang iya bana sa opisina nga iya gina-trabahuan agud magpasweldo sa ila nga mga sekyu.
Nagapati ini nga posible mga guwardiya man sa ginatrabahuan sang iya mister ang yara sa likod sang nasambit nga insidente.
Suno diri nga posible bangud sa kapigaduhon rason nga nahimo ini sa iya bana bangud wala na ang kwarta sa iya bag sang gintsekyar sang mga otoridad.
Gindugang pa sini nga mas o menus P80, 000 ang dala nga kwarta sang iya bana.
Gindala pa sa isa ka pribado nga ospital ang biktima apang wala na ini matabangan kag ginbawian ini sang kabuhi.
