Mabaskog nga paglupok ang nagluntad sa isa sa mga pabrika sa Ras Laffan industrial zone sa Doha, Qatar nga nagbilin sang kahalitan kag pila ka mga pilason.
Suno sa QatarEnergy kag sa Ministry of Interior sang Qatar, naghalin ang paglupok kag sunog sa technical malfunction sa Barzan gas supply facility samtang nagasugod pa lang ini sa operasyon.
Naglab-ot naman sa 54 ang pilason samtang 18 ang missing base sa inisyal nga report.
Nabatyagan man ang mabaskog nga pagsigabong sa malayo nga mga lugar bangud sa insidente.
Ginkumpirma sang mga otoridad nga wala sang gas ukon chemical leak nga nagahatag sang pamahog sa kaluwasan sang publiko, kag gilayon man nga ginpalong sang Civil Defense teams ang kalayo samtang padayon nga ginamonitor ang sitwasyon sa lugar.
