-- ADVERTISEMENT --
Naglab-ot na sa 55 ka mga loose firearms ang nakumpiska sang Dao Municipal Police Station halin Enero tubtob Hunyo 2026 bilang kabahin sang kampanya batok sa kriminalidad.
Sa interview sang Bombo Radyo kay Police Captain Rey Dordas, Officer-in-Charge sang Dao Municipal Police Station, iya ginpahayag nga nadakpan man sang ila estasyon ang apat ka wanted persons sa amo nga tion.
Dugang pa ni Dordas, nakahatag man sila sang 67 ka citation batok sa mga naglapas sa nagkalain-lain nga mga ordinansa kag layi.
Ginpahayag man sini nga padayon ang personal nga pagbisita sang mga kapulisan sa mga barangay agud mapabakod ang relasyon sa komunidad kag mapabaskog ang kampanya batok sa iligal nga droga kag iban pa nga kriminalidad.
