Patay ang 55 ka mga migrants lakip na ang duha ka lapsag matapos naglugdang ang Isa ka rubber boat sa Libya.
Duha lamang pasahero Ang naluwas sang mga otoridad Nga lunsay mga babayi gikan sa Nigeria.
Suno sa International Organization for Migration (IOM), anum ka oras pagkatapos maghalin sa syudad sang al-Zawiya sa Libya, ang sakayan matapos Ang insidente.
Kalabanan sa mga pasahero mga migrants kag mga refugee gikan sa nagkalainlain nga mga pungsod sa Africa. Ang isa sa mga nakaluwas nadulaan sang iya bana, samtang ang isa naman nadulaan sang iya duha ka lapsag.
Nahibaluan Nga Ang Human trafficker naga-income pinaagi sa pagpasakay sang Nga pasahero gikan sa delikado nga mga sakayan.
Nagpanawagan naman Ang natungdan sang mas mabaskog nga kooperasyon gikan sa iban nga pungsod kag ang pag-angkon sang luwas kag legal nga ruta sa pagbiyahe agud mabuhinan ang numero sang mga nagakapatay sa kadagatan.
Ginpakamalaut naman sang pila ka mga pungsod ang Libya, lakip na ang UK kag Spain, bangud sa ginaalegar nga pag-abuso, pagpaantos, kag iban pa nga kalakasan batok sa mga migrants sa mga detention center.
