550 ka mga loose firearms, narecover sang Capiz PPO sa padayon nga kampanya sang Project Restrict RTT

Naglab-ot na sa 550 ka mga loose firearms ang na-recover sang Capiz Police Provincial Office bilang kabahin sang Project Restrict, Track and Turn-In ukon RTT 3389 sang Police Regional Office 6 kag CAPeace-Tawhayan.

Suno kay Police Colonel David L. Cachumbo Jr., Provincial Director sang Capiz PPO, tinutuyo sang kampanya nga mapunggan ang paglapta sang mga loose firearms, mapadasig ang boluntaryo nga pagsurrender sang armas kag mapasangkad ang seguridad sa komunidad.

Ginpahayag man ni Cachumbo nga padayon ang kampanya sang kapulisan batok sa loose firearms sa probinsya.

Dugang pa sang natungdan, paagi sa Project RTT 3389 masiguro ang kalinong kag seguridad sa Capiz.