Nakabalik na sa ila puluy-an sa Britain ang 56 anyos nga si Karl Bushby makaligad ang 28 katuig kag matapos nga nangin pinakauna ini nga tawo nga maglakat sa bilog nga kalibutan.
Si Bushby, anay paratrooper, ang naghalin sa Chile sang November 1998 para sa 12-year trip paagi sa pagpanglakaton sa Americas, sa Bering Strait padulong sa Russia kag Europe, pagpalibot sa 36,000 miles kag pagbisita sa apat ka mga Continents kag 29 ka pungsod.
Naghinay ang progreso sini matapos nga gin-aresto ini sa Russia sa gina-alegar nga spy ini kag ginpahog pa sang deportation.
Nakaengkwentro man ini sang polar kag gintayaan sang armas-luthang kag pag-ilis sang trolly nga iya gingamit sa pagpanglakaton para butangan sang iya nga mga gamit matapos nga ini maguba.
Suno sa report ginlakat ni Bushby halin sa Hull City Hall padulong sa puluy-an sang iya nga iloy kag ini ang labing-una nga tion nga nakapauli sa sulod sang 28 ka tuig
