ROXAS CITY – Nagapabilin sa isa ka pribado nga ospital ang isa ka lalaki matapos nga ginaalegar nakuryente sa Barangay Lawaan, Roxas City.
Ginkilala ang biktima kay Arnel Buring, 56 anyos sang Araneta Avenue, Quezon City.
Base sa imbestigasyon sang mga kapulisan nga samtang nagatakud ang nasambit nga biktima sang billboard sa isa ka daku nga establisyemento sang aksidente na lamang ini nga nakuryente.
Suno sa mga kaupod sang biktima nga kaupod man sini install sang billboard sang may gindahu ini sa iya nga 12 inches aluminum sa diin nagaserbi nga clip sa amo nga billboard kag samtang ginahawiran ini sang biktima aksidente sini natandog ang linya sang kuryente sang CAPELCO kag nakuryente.
Bangud diri, nahulog ini sa billboard holder nga may kataason nga (20 meters).
Gilayon naman nga gindala ang biktima sa ospital matapos ang insidente.
