56-anyos nga negosyante, dakop sa akto nga nagapataya sang iligal nga pasugal sa banwa sang Mambusao

Dakup ang ginapahayag negosyante nga nagapataya sang iligal nga STL(Bookies) sa Barangay Poblacion Tabuc Mambusao, Capiz.

Ang indi na paghingadlan nga persona ang nagapang-edaron nga 56-anyos, kag residente sang nasambit nga lugar.

Narekober sang kapulisan ang P1,000 nga balor sang koleksyon, improvised STL cotejo kag iban pa nga gambling paraphernalia.

Magapangatubang sa kaso nga paglapas sa Presidential Decree 1602 ukon Anti-illegal gambling Law ang amo nga persona.

Sa karon, nakahunong sa karsel sang Mambusao Municipal Police Station ang suspetsado para sa nagakaigo nga disposisyon.