Ginalauman nga maaapektuhan ang tubtob sa 560,912 ka ektarya sang mga humayan sa pagpanalasa sang bagyong Kristine, suno sa Philippine Rice Information System (PRiSM).
Sa nauna nga report sang PRiSM, naglab-ot lamang sa 140,000 ektarya sang mga humayan ang inisyal nga maapektuhan apang bangud sa dalayon nga pagbaskog sang bagyo mas nagahabok ang ginalauman nga apektado.
Halin sa masubra 560,000 ektarya sang humayan, 90,046 ektarya ang yara sa reproductive phase, samtang 470,865 ka ektarya naman ang yara sa ripening stage.
Nagaguha nga naka-ani na ang mga mangunguma sang masubra sa 726,000 ka ektarya sang mga humayan bag-o pa man ang pagsulod sang bagyo sa teritoryo sang Pilipinas.
Pila sa mga rehiyon nga may malapad nga uma ginalauman nga maaapektuhan sa pagpanalasa sang bagyo amo ang Central Luzon, Cagayan Valley, Ilocos Region, kag Bicol Region.
