57 anyos nga ginang, nag-angkon sang kasamaran matapos nasanggit sang motorsiklo sa Barangay Inzo Arnaldo

ROXAS CITY – Pilason ang isa ka 57-anyos nga ginang matapos aksidente nga nasanggit sang motorsiklo sa Barangay Inzo Arnaldo, Roxas City.

Ginkilala ang biktima nga si Josie Amador sang Barangay Mongpong, sining siyudad.

Base sa inisyal nga imbestigasyon sang Roxas City PNP, magatabuk kuntani ang biktima sa karsada sang aksidente nga nasanggit sang motorsiklo nga ginamaneho ni Jubille Flores 39-anyos sang Barangay Tanque sining siyudad.

Bangud diri, nag-angkon sang mga kasamaran sa lawas ang biktima nga padayon sa karon nga ginabulong sa ospital.