Patay ang 57-anyos ang lalaki matapos nga naghikog sa Barangay Timpas, Panit-an, Capiz.
Ginkilala ang biktima kay Regino Fenequito sang Barangay Palaguian, Maayon, Capiz.
Suno kay Police Staff Sergeant Francisco Mario Balasa, ang imbestigador sang Panit-an Municipal Police Station nga natukiban na gid lamang sang iya umagad ang biktima nga nagabitay na ini sa puno sang mangga gamit ang pisi.
Sa pagpangusisa ni Balasa sa bata sang biktima, natukiban nga naga-isahanon na lamang sa iya nga balay ang biktima bangud tatlo na ka tuig nga bulag ini sa iya nga asawa.
Nakatuad man ang biktima nga nabisitahan na sini ang iya duha ka mga bata kag ang agot na gid lamang sini nga anak ang wala niya makadtu-an.
Gilayon nga gindala sa Bailan District Hospital ang biktima apang gindeklarar nga dead on arrival sang attending physician.
