-- ADVERTISEMENT --
ROXAS CITY – Dakop ang isa ka 58-anyos nga lalaki nga ginaalegar iligal nga nagapataya sang “Pick Three” sa Barangay Libas, Roxas City.
Ginkilala ang nadakpan nga si Luisito Acosta sang Purok 1, Barangay Libas sining siyudad.
Base sa inisyal nga imbestigasyon sang mga kapulisan nga nadakpan sa akto ang nasambit nga persona nga iligal nga nagapataya rason nga gilayon ini gin-aresto sang mga otoridad.
Narekober naman sa posisyon ni Acosta ang ballpen, carbon paper, cellphone, motorsiklo kag P500 nga kwarta nga gingamit sini sa pagpataya.
Sa karon, natalana nga pasakaan sang panumbungon nga paglapas sa Presidential Decree 1602 ukon Anti Illegal Gambling Act ang nasambit nga arestado.
-- ADVERTISEMENT --
