58-anyos nga lalaki nga may yara sang panumbongon nga Attempted Homicide, dakup sang mga kapulisan sa banwa sang Mambusao

ROXAS CITY-Arestado ang 58-anyos nga manguguma matapos nga ginserbihan sang warrant of arrest sa Barangay Poblacion, Mambusao, Capiz.

Ginkilala ang nadakpan nga si Roger Dapitillo, residente sang nasambit nga lugar.

Panumbongon nga Attempted Homicide ang ginapangatubang ni Dapitillo kun sa diin ang warrant of arrest sini ang gin-issue kag ginpirmahan ni Presiding Judge Joevy Valenzuela sang MTC 16^th Judicial Region, Mambusao, Capiz sadtong  Agosto 17, 2020.

P36,000 ang ginrekomendar nga piyansa sang korte sa temporaryo nga kahilwayan ni Dapitillo.

Sa karon nakahunong na sa karsel sang Mambusao Municipal Police Station ang arestado.