59-anyos nga driver pilason matapos ginbungguan sang salakyan ang ginamaneho nga tricycle

Roxas City – Pilason ang isa ka 59 anyos nga tricycle driver matapos aksidente nabungguan sang isa ka salakyan sa Hughes Street, Barangay IV, Roxas City.

Ginkilala ang driver sang tricycle nga si Raul Brillantes, 59-anyos sang Barangay Calapawan, Panay, Capiz.

Base sa imbestigasyon sang Roxas City PNP nga samtang ginamaneho sini ang tricycle sa nasambit nga dalanon aksidente na lamang ginbungguan ang iya sidewheel sang isa ka salakyan nga ginamaneho ni Helen Cullo, 55-anyos sang Barangay Tagayon, Kalibo, Aklan.

Bangud sa mabaskog nga impact sang pagkabunggo gin-apok ang driver rason nga nag-angkon ini sang pilas sa ulo.

Gilayon naman nga gindala sa ospital ang biktima matapos ang insidente.