ROXAS CITY – Nagparekord sa Roxas City Police Station ang isa ka 59 anyos nga lalaki matapos ginaalegar nga gin-ayad ini sang buno sang iya lang man nga kaingud-balay sa Burgos Ilaya, Barangay 2, Roxas City.
Ginkilala ang tagreklamo nga si Danilo Besorio, residente sang nasambit man nga lugar.
Sandig sa ginpabalhag ni Besorio, una sini nga ginsaway ang anak sang suspek nga si Andy Albaladejo matapos naaktuhan niya ini nga nagsaka sa ila nga balay.
Sa pagsita sini, gilayon man nga nagpauli ang bata apang nakibot si Besorio sang ginpadulungan siya ni Albaladejo nga may bitbit nga wala matumod nga hinganiban.
Tuyo kuntani nga bun-on ni Albaladejo si Besorio apang maswerte ini nga napunggan sang anak sang naulihi.
Bangud diri, ginpakamaayo na lamang ni Besorio nga ipabalhag sa pulisya ang nasambit nga insidente.
