6 balay sa Barangay Punta Cogon, nahalitan sang mabaskog nga balud nga dala sang bagyo Tisoy

ROXAS CITY – Anum ka mga balay ang partially damaged sa Barangay Punta Cogon, Roxas City bangud sa mabaskog nga balud kag hangin nga dala sang bagyo  Tisoy.

Sa interview sang Bombo Radyo Roxas kay Barangay Treasurer Patlemer Besa, ginpahayag sini nga may anum ka mga balay ang partially damaged bangud sa mabaskog nga mga balud.

Bangud diri, nagdesisyon ang mga apektado nga pamilya nga temporaryo nga mag-estar sa balay sang ila mga himata.

Samtang naglab-ot na karon sa 227 ka pamilya ukon 801 ka indibidwal ang temporaryo nga nagbiya sa ila mga balay kag nagtenir sa mga evacuation centers nga ginpahamtang sang gobyerno sang syudad.