ROXAS CITY – Padayon pa nga ginahibalo sang mga kapulisan ang pagkakilanlan sang mga armado nga indibidwal nga nagsunog sa dumptruck kag backhoe sang MBM Construction kahapon, Marso 9 sa Barangay San Jose, Jamindan, Capiz.
Sa interview sang Bombo Radyo kay Police Lieutenant Jobert Delos Reyes, Acting Chief of Police sang Jamindan Municipal Police Station, nga ba-se sa pahayag sang mga nakasaksi sang insidente, yara sa 6 ka armado nga kalalakinhan ang may kahimuan sang pagsunog sa heavy equipment.
Suno diri, 4 ka kalalakinhan ang nakatuka nga magbantay sa mga motorista agud indi makasulod sa lugar samtang ginapatigayon ang pagsunog sa nasambit nga heavy equipment.
Sa karon, indi pa makumpirmar ni delos Reyes kun mga miyembro ang mga kalalakinhan sang Communist Terrorist Group nga CPP-NPA bangud nagapadayon pa ang imbestigasyon sang kapulisan.
