ROXAS CITY-Dululungan nga nagresign ang anum ka mga barangay kagawad sa Barangay Manapao, Pontevedra, Capiz.
Ginkumpirma sa Bombo Radyo Roxas ni punong barangay Jose Bonie Villanueva nga antes pa nagsumite sang ila nga resignation letter sa Municipal Local Government Operations Officer (MLGOO) ang mga kagawad nga sanday Jose Dadivas, Armando Gimanel, Lourdes Vergara, Wendell Buenvenida, Renita Baria kag Geovanie Baria nagtawag pa sa iya si Kagawad Vergara kag ginpahibalo ang ila desisyon.
Ginpanginwala man ni Villanueva nga may ihibalo ini sa rason sang pagresign sang mga kagawad, bangud suno diri nga bisan siya ang nakibot man, apang ginarespeto sini ang desisyon sang mga kaupdanan.
Samtang nagpamalibad naman si Villanueva nga kumpirmahon ang report nga na pressure ang mga kagawad nga kun indi sila magresign i-demolish sang tag-iya sang duta ang ginatindugan sang ila balay.
