ROXAS CITY – Nasapwan nga wala na sang kabuhi ang 6 ka bulan nga fetus sa banyo sang isa ka private clinic sa Barangay Ilawod, banwa sang Pontevedra.
Sandig sa impormasyon nga nakuha sang Bombo Radyo sa Pontevedra Municipal Police Station, nga takna alas 4 kaina sang hapon sang masapwan sang isa ka nurse sang wala na ginhingadlan nga klinika ang fetus nga nakasulod sa kabo.
Ginapahayag nga nagapang-edaron sang 25 anyos ang iloy kag may yara sang live-in partner kun sa diin ikaduwa na kuntani nga bata ang amu nga fetus.
Nahibaluan nga nagpa-check up ang amu nga iloy sa clinic bangud naga-eksperyensiya sang pagpalanakit sang tiyan.
Naglaong ini nga magamit sang cr, apang sang ini ang naguwa sa banyo may yara na sang mga dugo ang iya panapton nga ginkatingala man sang nurse kag sang ini ang ginpamangkot ginpahayag sini nga nag-abot ang iya menstration.
Una diri, ginpanginwala sini nga siya ang nagabusong.
Sa imbestigayon sang kapulisan nga ginkulbaan lamang ang iloy kabangdanan nga ginbilin sini ang fetus sa banyo.
Sa karun, na turn-over na sa pamilya ang amu nga fetus agud mahatagan sang nagakaigo nga paglubong.
