ROXAS CITY – Natalana nga pasakaan sang kaso nga paglapas sa PD 1602 as amended by RA 9287 ukon “An Act Increasing The Penalties For Illegal Numbers Games & Its Implementing Rules” sa Lunes nga adlaw ang 6 ka mga persona nga nadakpan nga nagapatigayon sang iligal nga pagbulang sa Barangay Dumulog syudad sang Roxas.
Sa nakuha nga impormasyon sang Bombo Radyo sa Intellegence Section sang Roxas City PNP, masobra tatlo ka semana nga gina-monitor ang iligal nga aktibidad.
Suno sa mga kapulisan, madugay na sila nga nakabaton sang mga reklamo natuhoy sa iligal nga tupada kag sa kapiyestahan sang San Juan lamang nakakita sang tsansa kun sa din nag-intra pa ang mga ini agud madakpan sa akto ang mga imbolbado.
Matandaan nga akto nga nadakpan sang mga otoridad sanday Noel Francisco, 61, Emark Delantar, 31, Marcelo Telles Jr., 40, Joseph Aleligay, 55, Antonio Gredes, 61, kag Marlon Dela Cruz, 65 nga nagapatigayon sang iligal nga pagbulang kag nakumpiskar ang anum ka mga pambulang nga manok, duha ka bulang’ kag kuwarta nga P1,353.
Sa karon nagapabilin nga yara sa kustodiya sang Roxas City PNP ang nagkaladakpan.
6 ka mga persona nga nadakpan nga nagapatigayon sang iligal nga tupada, natalana nga pasakaan sang kaso sa Lunes
-- ADVERTISEMENT --
