ROXAS CITY – Ginturn-over na sang Local Government UNit (LGU)-Panitan ang 6 tanan ka mga rescue boats sa mga resipyente nga barangay nga masami nga ginabahaan.
Ini ang ginkumpirmar ni Panitan-MDRRMO Head Mark Jay Dumol, sang mainterview sang Bombo Radyo.
Suno diri ang mga barangay nga nagbaton sang rescue boats amu ang Balatucan, Agkilo, Quios, Salocon, Intampilan kag Cabugao, samtang nagbaton man sang dugang nga baruto ang Panitan DRRMO.
Ang nasambit nga rescue boats ang human sa fiber glass, may kahabaon nga 12 meters, may passenger capacity nga 10 – 15 kag nagabalor sa P175,000 kada isa.
Pahayag ni Dumol nga ang mga baruto ang pagagamiton sa mga rescue operations sa barangay kag pagpanagtag sang relief goods pananglitan may matabo nga kalamidad ukon emerhensya.
Antes pa ang distribusyon sang 6 ka rescue boats, nagbaton man ag 5 ka kabarangayan sa Panitan sang rescue boat nagikan sa isa ka Non-Government Organization.
