6 ka mga tripulante, dakop nga nagapatigayon sang ilegal nga pagpangisda sa Ivisan

IVISAN, CAPIZ – Yara na sa kustodiya sang Municipal Agriculture’s Office sa banwa sang Ivisan ang mga fishing paraphernalia nga nakompiskar sang mga katapo sang Philippine Coast Guard (PCG) Ivisan Sub-Station sa isa ka sakayan nga nagapatigayon sang ilegal nga pagpangisda sa Tuwad Islet sa Barangay Balaring, Ivisan.

Ang kapitan sang nasambit nga sakayan ang ginkilala nga si Andrew Bartolome, 28 anyos kaupod ang mga crews nga sanday Wendell Abajar, 29 anyos; Stanley Antoquia, 30 anyos; Wedmar Abajar, 18 anyos; Roland Gregorio, 19 anyos, lunsay mga residente sang Barangay Culasi, Roxas City kag si Vincent Espino, 19 anyos nga residente sang Batad, Iloilo.

Ang nasambit nga mga persona ang naglapas sa Municipal Ordinance No. 3 Series of 2012.