Na-rescue ang dugang nga anum ka crew sang isa ka Vietnamese cargo vessel matapos nga naglugdang ang ila barko malapit sa Kagitingan Reef sa West Philippine Sea (WPS).
Padayon naman ang search and rescue operations para sa nabilin nga missing nga crew members.
Suno sa Philippine Coast Guard (PCG), anum ka dugang nga mga tripulante ang na-rescue kasunod sang pagkalugdang sang Vietnamese cargo vessel Khoi Nguyen 18 sang Hulyo 25 sang gab-i.
May kabug-usan nga 62 ka mga crew ang sakay sang natabo ang insidente.
Sa subong, 17 ka mga indibidwal ang ginapangita pa sang mga otoridad.
Gilayon nga naglunsyar sang search and rescue operations ang PCG sa mando ni PCG Commandant Admiral Ronnie Gil Gavan.
Nagdeploy man ang PCG sang BRP Malapascua kag isa ka eroplano halin sa Palawan agud magbulig sa pagpangita sa nadula nga crew.
