ROXAS CITY – Dakop sa akto nga nagapatigayon sang iligal nga pagpangisda ang tatlo ka mga persona sa kalalawran nga sakop sang Panay Municipal Sea Water kahapon Hunyo 12, 2023.
Ginkilala ang mga nadakpan nga sanday Allan Valentine 41-anyos Boat Captain kag mga crews nga sanday Armando Cordoba 46-anyos lunsay mga residente sang Barangay Barra, Roxas City subong man sanday Raffy Hontiveros Boat Captain 33-anyos, kag mga crew sini nga sanday Rogel Bones 32-anyos kag Rey Pandes 28-anyos nga lunsay mga residente sang Barangay Barra Roxas, City.
Sa impormasyon nga nakuha sang Bombo Radyo sa Panay Municipal Police Station, nadakpan sa akto nga nagapatigayon sang Teming ang nasambit nga mga persona kag wala sang nagakaigo nga permit.
Nakuha sa mga ini ang 2 ka unit sang pump boat, 4 ka units sang 16 HP Diesel engine, fishing net masobra 20 ka kilo sang mga nagkalain-lain nga isda kag mga alimango.
Kaso nga paglapas sa Municipal ordinance No. 03-02 series of 2003 ang paga-atubangon sang mga nadakpan.
Sa karun gintur-over na sa MENRO-Panay ang mga nakumpiskar subong man ang mga nagkaladakpan para sa nagakaigo nga disposisyon.
