ROXAS CITY – Pilason nga ginpadangat sa isa ka pribado nga ospital diri sa syudad sang Roxas ang anum ka-tuig nga bata matapos aksidente nga na-sideswipe sang isa ka pick-up ang ginasakyan nila nga motorsiklo sa Pueblo De Panay, Barangay Lawaan, Roxas City.
Base sa imbestigasyon sang traffic investigator sang Roxas City Police Station nga samtang magaliko na kuntani ang motorsiklo nga ginamaneho ni Hasem Bernada, 33 anyos kaupod ang backrider sini nga si Elyn Grace Bernada, 34 anyos kag ang nasambit nga menor de edad nga lunsay mga residente sang Barangay Dinginan sining syudad sang hinali na lamang sila nga naside-swipe sang pick-up nga ginamaneho ni Sheen John Cerujano, 23 anyos sang Barangay Loctugan nga nagtuyo man kuntani nga mag-overtake sa amo nga motorsiklo.
Bangud diri, nag-angkon sang pilas sa ulo kag lawas ang nasambit nga menor de edad nga gilayon naman gindapatan sang first aid sang Capiz Emergency Response Team kag gindala sa malapit nga ospital.
