Indi sa gihapon maagyan tubtob sa karon ang 6 ka mga karsada sa Luzon, apang limitado lamang ang pwede makaagi sa 8 ka iban pa matapos ang ginbilin nga halit sang nag-agi nga bagyo.
Suno sa Department of Public Works and Highways, nag-agum sang halit ang tanan nga apektado nga karsada sa Luzon bangud sa pagkatiphag sang duta kag sang semento bangud sang landslide kag baha.
Nakaapekto ini sa isa ka karsada sa Cordillera Administrative Region, isa sa Ilocos region kag 4 sa Central Luzon.
Limitado naman sa isa ka lane ang pwede maagyan sang light vehicles sa 7 road sections sa may CAR, Ilocos Region kag Central Luzon.
Kaangtanan sini, ginpadala na sang DPWH ang quick response teams sini agud mapadasig ang pag-repair kag paglimpyo sa mga apektado nga karsada para mabuksan na kag masiguro nga may maagyan ang mga salakyan nga magadul-ong sang relief goods sang gobyerno para sa mga nahalitan nga pumuluyo.
